Tetum
English
Sé mak ami
CARE iha Timor-Leste foka ba edukasaun, saúde, hakbiit feto sira-nia ekonomia, igualdade jéneru, asisténsia umanitariu, no ai-han, nutrisaun no reziliensia ba mudansa klimátika.
CARE ho ninia programa sira to’o ona komunidade rural no remotas iha Timor-Leste hamutuk 499,277, 49% husi numeru ne’e mak feto no labarik feto sira.
Ami nia Vizaun
Ami hakarak mundu ida ne'ebé ho esperansa, toleránsia no justisa sosial, ne'ebé livre husi ki'ak no ema moris iha dignidade no seguru.
CARE sai nudar forsa no parseiru global ida ba iha movimentu mundiál atu halakon ki'ak. Ami koñesidu iha ne'ebé deit ho komprimisiu ne'ebé metin ba defende dignidade umana nian.
Ami buka atu salva moris: Asaun umanitariu no responde ba emerjensia, ho atensaun espesial ba nesesidade feto no populasaun marjinalizadu sira sai sentru ba ami servisu.
Hasa’e impaktu: Liu husi aprendijazen no dezenvolve parseria, atu haboot metódu sira ne’ebé provadu ona atu hamenus ki’ak.
Kria mudansa ho durasaun naruk: Fó solusaun inovativu no uza instrumentu dezenvolvimentu sustentavel atu hamenus risku no kria reziliensia.
Ami nia Misaun
CARE servisu iha fatin barak iha mundu atu salva moris, halakon ki’ak no atinje justisa sosial. Feto no labarik feto sira sentru iha ami nia servisu, tamba ami hatene katak ita sei labele halakon ki’iak sé karik ema hotu-hotu la hetan direitu no oportunidade igual.
Ami nia valor prinsipal sira
Ami hatene klaru konaba dezafius no mos oportunidade sira ne’ebé umanidade hasoru; ami foti desizaun difisil no foti risku atu responde ba asuntu sira ne’e, hatene katak ami iha forsa traballu ne’ebé mak saudavel no produtivu iha ambiente ne’ebé mak seguru no nakonu ho divertimentu.
Ami hotu lider, hanoin boot no foti asaun urjente atu hadi’ak mundu; ami dezafia ami nia an, iha fiar-an atu koko buat foun, no ami halo movimentu ho lalais, maibé ami sempre hanoin sustentavelmente.
Ami hatene ami tenke sai mudansa dahuluk antes haree mudansa iha mundu, ho nune’e ami haree kolega servisu, parseiru, no públiku sira ho respeitu, fó valor boot no haree ba opsaun no perspetiva oin-oin bazeia ba ami nia esperiénsia moris ne’ebé la hanesan, servisu hamutuk atu nune’e ami hotu sente seguru no forte.
Ami hatene katak umanidade nia oportunidade di’ak atu ultrapasa ki’ak no kria mundu ida ne’ebé nakonu ho esperansa, toleransia no justisa sosial mak iha igualdade ne’e; ami avansa igualdade iha ami nia servisu no iha ami nia interasaun ho komunidade sira, liu-liu igualdade jéneru. Buat hotu komesa ho igualdade.
