Feto sira iha Timor-Leste hasoru dezafiu boot ba saúde inan nian, ho feto 570 ne'ebé mate ba ema na'in 100,000 ne'ebé moris, númeru mate ne'ebé aas liu husi prosesu hahoris iha Sudeste Aziatiku. Ho taxa fertilidade ne'ebé aas, falta planeamentu familiar, asesu ba servisu antenatal no pos-natal ne'ebé menus, falta kuidadu obstetriku emerjénsia báziku, no nivel malnutrisaun ne'ebé aas iha feto sira hotu kontribui ba taxa mortalidade inan ne'ebé aas.

Maske governu iha polítika no estratejia kompreensivu sira kona-ba saúde reprodutiva seksuál no saúde inan, konaba implementasaun polítika no estratejia ne'e dezafiu tebes, liu-liu iha area rural sira. Bareira sira inklui falta servisu ho kualidade, utilizasaun servisu ne'ebé ho numeru ki’ik, falta partisipasaun iha prosesu foti desizaun planeamentu familiar, no norma jéneru ne'ebé metin tebes.

Iha direitu ba saúde sai hanesan CARE nia area impaktu prioridade ida. Ami fiar katak ema hotu iha direitu ba moris no saúde di’ak, no hanesan rezultadu ida, atu hetan asesu ba saúde reprodutiva seksuál no saúde inan. CARE nia programa saúde sira servisu iha nivel pesoal, sosial no estrutural atu asegura katak individu sira realiza duni sira nia direitu sira ne’e.

CARE iha Timor-Leste servisu ho parseria ho Ministériu Saúde dezde 2004 atu haforsa saúde reprodutiva seksuál no saúde inan liu husi foka ba hadi’ak asesu justu ba planeamentu familiar; hadi’ak servisu saúde sira atu responde ba fornesimentu no nesesidade (supply and demand), no hadi’ak nutrisaun liu husi edukasaun no harii jardin ba ai-han.